SQO-da naýqas náresteniń julynyna 35 mln teńgeniń preparaty salyndy

PETROPAVL. QazAqparat – Soltústik Qazaqstan oblysynda arqa bulshyqet atrofııasy dertine shaldyqqan 1 jas 4 aılyq nárestege quny 35 mln teńge turatyn dári egildi. Qymbat preparat respýblıkalyq bıýdjetten bólingen qarajatqa alyndy, dep habarlaıdy QazAqparat tilshisi.

SQO kópsalaly balalar aýrýhanasynyń málimetinshe, óńirde alǵash ret oblystyq balalar aýrýhanasynyń negizinde osyndaı em-dom jasalyp otyr.

Naýqas – 1 jas 4 aıdan endi asqan náreste. Oǵan 2 tıpti arqa bulshyqet atrofııasy dıagnozy qoıylǵan. Bul - óte sırek kezdesetin orfandyq aýrý.

Nárestege «Spınraza» dep atalatyn preparattyń alǵashqy dozasy engizildi. Dári balaǵa ıntratekaldi túrde julyn kanalyna salyndy.

Em-dom asqynýsyz ótýi úshin Astanadan nevrolog dárigerlerdiń brıgadasy keldi.

Keıin preparat engizilgennen keıin 72 saǵat boıy bala mamandardyń baqylaýynda boldy.

«Dári salynǵannan keıin náresteniń jaǵdaıyna monıtorıng júrgizdik. Jaǵdaıy turaqty, sol sebepti úıine jiberdik. Turǵylyqty jeri boıynsha ambýlatorlyq baqylaýda bolady. Balaǵa tezirek jazylyp ketýdi tileımiz», - deıdi náresteni emdeýshi dáriger, aýrýhananyń nevrologııalyq bólimshesiniń meńgerýshisi Elena Bedına.

«Spınraza» preparaty 35 mln teńge turady. Qajetti qarajat respýblıkalyq bıýdjetten bólindi.