SQO-da múgedektikti syrttaı anyqtaý pılottyq jobasyna 600-ge jýyq adam qatysty
Múgedektigi bar adamdardyń jaǵdaıyn jaqsartyp, ómir súrý sapasyn arttyrý maqsatynda elimizdiń áleýmettik salasynda kóptegen oń ózgeris engizilip jatyr. Byltyr qarasha aıynda medıtsınalyq aqparattyq júıeni biriktirý nátıjesinde múgedektikti syrttaı anyqtaý pılottyq jobasy engizildi. Bul jyl saıyn medıtsınalyq komıssııadan ótip, ózgermeıtin dıagnozyn qaıta dáleldeýdi qajet etetin patsıentter úshin yńǵaıly. Jalpy múgedektikti syrttaı anyqtaý pılottyq jobasy aıasynda 12 túrli nozologııalyq aýrý túrlerin qashyqtan rastaýǵa bolady. ıAǵnı kabınetten kabınetke júrip qujat jınaýdyń qajeti joq, bul rásim jeńildetildi.
«Syrttaı kýálandyrý jobasyna qatysý boıynsha SQO Almatydan keıin 2 orynda tur. Bul jaqsy nátıje. Eger 12 túrli nozologııalyq aýrýǵa qatysty bólip qaraıtyn bolsaq, qaterli isikpen aýyratyn 300-den astam adam, qant dıabetimen aýyratyn 17 syrqat, Daýn dıagnozy qoıylǵan 5, psıhıkalyq buzylýlary bar 50-den astam bala jáne ınsýltke shaldyqqan 100-den astam adam syrttaı kýálandyrýdan ótti. Endi jyl sońynda proaktıvti kýálandyrý úshin nozologııa aýrý túrlerin keńeıtý josparlanyp otyr», - deıdi QR Eńbek, áleýmettik qorǵaý jáne kóshi-qon komıtetiniń SQO boıynsha departamenti basshysynyń orynbasary Sálıma Alpysova.
Mamannyń aıtýynsha, emhanada 031/ý jáne 033/ý elektrondy formasy toltyrylady. Patsıenttiń ruqsatymen jeke málimetteri óńdelip, dárigeri medıtsınalyq-áleýmettik saraptamaǵa qorytyndy toltyrady. Múgedektik tobyn berý týraly saraptamalyq qorytyndyny basqa úsh óńirdiń sarapshysy shyǵarady. Osydan keıin qyzmet alýshynyń uıaly telefonyna memlekettik qyzmet kórsetiletindigi jáne aýmaqtyq departamentke habarlasý qajettigi jóninde habarlama keledi.
«Múgedektik týraly qujatty qyzmet alýshy eshqaıda barmaı-aq e-gov-taǵy jeke kabıneti arqyly da ala alady. Qazirgi ýaqytta óńirde 600-ge jýyq adam múgedektikti syrttaı anyqtaý pılottyq jobasyna qatysyp, medıtsınalyq komıssııadan ótpeı-aq ózgermeıtin dıagnozyn rastady», - deıdi Sálıma Alpysova.
Jalpy SQO-da múgedektigi bar 26 myńǵa jýyq adam turady.