SQO-da múgedekterge tegin qyzmet kórsetetin kólik jýý ortalyǵy ashyldy

PETROPAVL. QazAqparat – Soltústik Qazaqstan oblysynda múmkindigi shekteýli jandarǵa jáne 75 jastan asqan júrgizýshilerge tegin qyzmet kórsetetin alǵashqy kólik jýý orny ashyldy, dep habarlaıdy QazAqparat tilshisi.

Petropavlda ashylǵan kólik jýý ortalyǵy múmkindigi shekteýli jandarǵa jáne jasy 75-ten asqan júrgizýshilerge aıyna bir ret tegin qyzmet kórsetedi.

Ortalyqtyń ákimgeri Darıa Sılchenkoniń aıýynsha, bul júrgizýshilerge jaqsy jeńildik. Jalpy avtomobıldi tolyq jýý Petropavlda 2 myń teńge turady.

SQO-da múmkindigi shekteýli 26 myńǵa jýyq adam bar. Búginde olardyń kópshiligi kólikpen júredi. Múgedekterge arnalǵan respýblıkadaǵy alǵashqy avtomektepti ashqan Sálimhan Sábıtov ta solardyń qatarynda. Ol búgin alǵashqylardyń biri bolyp tegin kólik jýý qyzmetin paıdalandy.

«Qyzyljar – adaldyq alańy» jobalyq keńsesi ashylǵaly múmkindigi shekteýli adamdarǵa jaqsy jaǵdaı jasalyp jatyr. Jańadan ashylǵan ortalyq sonyń bir dáleli. Kásipkerler múmkindigi shekteýli adamdarǵa qyzmet kórsetýge bet buryp jatyr. Sonyń ishinde ásemdik salondary men shashtarazdar da bar. Qyzmetti qazir úıde otyryp alýǵa bolady», - deıdi «Qyzyljar - adaldyq alańy» jobalyq keńsesiniń jetekshisi Sálimhan Sábıtov.