SQO-da mototsıkl júrgizýshisi temirjol ótkelinde qaza tapty
PETROPAVL. QazAqparat - Aqqaıyń aýdanynda «Smırnovo-Tokýshı» tasjolynyń 6 shaqyrymyndaǵy temirjol ótkelinde mototsıkl júrgizýshisi qaza tapty, dep habarlaıdy «QazAqparat» HAA SQO ІІD baspasóz qyzmetine silteme jasap.
Apat 8 qańtar kúni keshkisin bolǵan.
«Mototsıkl júrgizýshisi rýldi basqara almaı, ótkeldiń qorshaýyna soǵylǵan. Jol apaty saldarynan júrgizýshi, 33 jastaǵy Tokýshı aýylynyń turǵyny alǵan jaraqaty saldarynan oqıǵa ornynda kóz jumdy. Eki jolaýshy túrli jaraqat alyp, aýrýhanaǵa jetkizildi», - dep túsindirdi polıtsııa vedomstvosynyń baspasóz qyzmetinde.
Sotqa deıingi tergeý amaldary bastalǵan.
