SQO-da monopolısterge tarıfti kótergeni úshin aıyppul salyndy
Baqylaý organy baspasóz qyzmetiniń málimetinshe, «Sevkazenergosbyt» JShS jeke kásipkerlerge paıdalanǵan elektr energııasy úshin baǵany kóterip shot-kvıtantsııa bergen.
«Tarıfterdi 19,41 teńgeden 15,51 teńgege deıin tómendetý arqyly tutynýshylarǵa 40 mln teńge óndiriledi. «Petropavl jylý jelileri» JShS men «Soltústik Qazaqstan úılestirý elektr jelileri kompanııalary» AQ-nyń tarıftik smetalardy osy jolmen qymbattatqany anyqtaldy», - delingen baspasóz qyzmetiniń habarlamasynda.
Tekserý qorytyndysy boıynsha energııa berý uıymdarynyń jylý men elektr energııasyna tarıfteri retteldi. Olar 1 qarashadan bastap iske qosyldy. Jylýǵa belgilengen tarıf 2019 jyldyń 31 qazanyna deıin, al elektr energııasyna 2020 jyldyń 31 jeltoqsanyna deıin ózgermeıdi.
«Petropavl jylý jelileri» JShS men «Soltústik Qazaqstan úılestirý elektr jelileri kompanııalary» AQ-ǵa tabıǵı monopolııalar salasyndaǵy buzýshylyǵy úshin 2,6 mln teńge somasynda aıyppul salynyp, ákimshilik jaýapqa tartyldy», - dedi oblystyq prokýratýranyń baspasóz qyzmeti.