SQO-da monıtorıng toptary bir aıdyń ishinde 80-ge jýyq toıdy taratty
SQO polıtsııa departamenti baspasóz qyzmetiniń málimetinshe, vedomstvoaralyq monıtorıng toptary karantın shekteýdni saqtamaýshylardy anyqtaý maqsatynda reıd ótkizip jatyr. Ótken demalys kúnderi toı uıymdastyrǵan 4 mekeme anyqtaldy.
Monıtorıng tobynyń quramyna jergilikti atqarýshy organ ókilderi, volonter, polıtseıler jáne múddeli memlekettik organdardyń ókilderi engen. Olar toı jáne basqa da saltanatty is-sharalar ótýi múmkin oryndardy: dámhanalar, meıramhanalar jáne jalǵa beriletin kottedjderdi tekseredi.
Osyndaı reıd barysynda monıtorıng músheleri ótken demalys kúnderi úılený toıynyń ústinen tústi. Toıdy ótkizýge ruqsat bergen mekeme ıesimen profılaktıkalyq áńgime júrgizilip, ákimshilik is jınaldy.
Petropavldaǵy M.Jumabaev, Batyr Baıan jáne Aıaǵan Shájimbaev kóshelerindegi dámhana-meıramhanalarda da shekteýlerge qaramastan toı ótkizgen.
«Toıǵa kelgen adamdarmen profılaktıkalyq áńgime júrgizildi. Al mekemeniń ıelerine karantın talaptaryn buzǵany úshin ákimshilik is jınaldy, materıal sanıtarııalyq-epıdemıologııalyq baqylaý basqarmasyna jiberiledi. Jalpy jyl basynan monıtorıngtik toptar osyndaı 1044 faktini tirkedi. Al 13 shildeden bastap 76 toı tarqatyldy», - deıdi Petropavl qalalyq polıtsııa basqarmasy jergilikti polıtsııa qyzmeti bóliminiń basshysy Rýstam Sadýlov.
