SQO-da meshit ımamdary koronavırýsqa qarsy vaktsına aldy
SQO «Qyzyljar» ortalyq meshitiniń bas ımamy Kenjetaı qajy Baıkemeluly jáne Petropavldyń bir top naıb ımamy oblys ortalyǵyndaǵy emdeý mekemesinde ornalasqan ekpe pýnktinde vaktsına saldyrdy.
«Juqpaly aýrý saıabyrsıtyn emes. Onymen kóp bolyp kúresýimiz qajet. Qazirgi ýaqytta aýrýdyń taralýyn boldyrmaý úshin vaktsına alý mańyzdy. Sharıǵatymyz da densaýlyq máselesinde «ár aýrýdyń shıpasy bar, emdelińder» dep muqııattylyq tanytýdy talap etedi», - deıdi vaktsına qoıdyrǵan meshit qyzmetkerleri.
Oblys ımamdary Qytaıdyń «Sinopharm» kompanııasy shyǵarǵan Vero Cell vaktsınasyn tańdady.
Buǵan deıin óńirge qytaılyq vaktsınanyń 13,5 myń dozasy jetkizilgenin aıtqan edik.
SQO-da 60 meshit bolsa, onda 100-den astam qyzmetker jumys isteıdi. Olardyń jartysynan astamy búginge deıin vaktsına qoıdyrdy.
