SQO-da memlekettik qyzmetshiler 160 keliden astam makýlatýra jınaǵan

PETROPAVL. QazAqparat - Soltústik Qazaqstan oblysy boıynsha memlekettik qyzmet jáne sybaılas jemqorlyqqa qarsy is-qımyl departamenti «Qaǵaz ótkizip, aǵashtardy qutqar!» uranymen 160 keliden astam makýlatýra jınady, dep habarlaıdy QazAqparat tilshisi.

«160 keliden astam makýlatýra jınadyq, bul 3 aǵashty qutqarǵanmen birdeı. Bir tonna makýlatýra 20-25 aǵashty kesýden saqtaıdy. Mundaı shıkizatty qaıta óńdeý atmosferaǵa zııandy zattardy az shyǵaratyn taza protsess bolyp sanalady», - dep habarlady baspasóz qyzmetinen.

Makýlatýra jınaý «20 qaıyrly is» aktsııasy aıasynda ótti. Aktsııa 20 sáýirde memlekettik qyzmettiń 20 jyldyǵyna oraı bastalǵan edi. Departamenttiń jospary boıynsha bul shara qyrkúıekke deıin apta saıyn ótkizilmek.

Sondaı-aq, memlekettik qyzmetshiler az qamtylǵan jáne kóp balaly otbasylarǵa, múmkindigi shekteýli balalarǵa, EDS ardagerleri men zeınetkerlerge kómek kórsetip jatyr. Balalar úılerinde erikti bolyp, qalany abattandyrýmen aınalysýda.