SQO-da memqyzmetkerlerge ókingen paraqorlar týraly rolıkter kórsetiledi

PETROPAVL. QazAqparat - «Nur Otan» partııasy janyndaǵy sybaılas jemqorlyqqa qarsy qoǵamdyq keńeste ádilet departamentinde jemqorlyqqa qarsy qandaı sharalar qoldanylyp jatqany týraly aıtyldy, dep habarlaıdy «QazAqparat» HAA tilshisi.

Qyzmetkerlermen jumys isteý jáne ishki qaýipsizdik bóliminiń basshysy Gúlmıra Bekqojınanyń aıtýynsha, atalǵan baǵytta bekitilgen josparǵa sáıkes jumystar atqarylýda.

«Ádilet departamentiniń qyzmetkerlerine arnaıy jemqorlyq taqyrybyndaǵy rolıkter kórsetildi. Vıdeoda qylmys ústinde qolǵa túsken jemqorlardyń ókingeni kórsetiledi. Bul basqalarǵa oı salady», -deıdi Gúlmıra Bekqojına.

 Onyń aıtýynsha, sońǵy eki jyl kóleminde ádilet departamentinde birde bir jemqorlyq nemese qyzmetkerlerdiń ádep kodeksin saqtamaý faktileri tirkelmegen.