SQO-da memqyzmetkerler jumystan zańsyz shyǵarylǵan

PETROPAVL. QazAqparat - Memleket qyzmet isteri jáne sybaılas-jemqorlyqqa qarsy is-qımyl departamenti basshysynyń orynbasary Janat Jumabaev «QazAqparat» HAA tilshisine memlekettik qyzmetkerlerdiń quqyǵy qalaı qorǵalatyny týraly aıtyp berdi.

Departament  qyzmettik ádep normalaryn saqtaýdy baqylaýmen qatar memlekettik qyzmetkerlerdiń zańdy quqyqtaryn qorǵaýmen aınalysady.

«Byltyr bizge jumystan shyǵarylǵan memlekettik qyzmetker shaǵymdandy. Tekseris barysynda onyń jumystan zańsyz shyǵarylǵany anyqtaldy. Basshy ákimshilik jaýapqa tartyldy», - deıdi J.Jumabaev.

Petropavl qalalyq memlekettik kirister basqarmasyndaǵy bólim bastyǵyna negizsiz sógis berilgen. Onyń is-áreketi zerttelip, qyzmettik tekseris materıaldaryna engizilmegen. Óz áriptesin soqqyǵa jyǵyp, kóligin tartyp alǵan basshy nemese bala kútimindegi anany jumystan bosatý faktileri  Memleket qyzmet isteri jáne sybaılas-jemqorlyqqa qarsy is-qımyl departamentiniń qatań nazarynda.

«Biz jumys kúniniń mólsherin de qadaǵalaımyz. 19-00 men 20-00 arasynda memleketti organdardy aralap kóremiz. Ótken jyly atalǵan ýaqytta jumysta bolǵan 80 adamǵa eskertý berilse, bıyl ol kórsetkish 20-ǵa  kemigen», - dedi J. Jumabaev.