SQO-da mekteptiń eki oqýshysy 68 jastaǵy azamatty órtten aman alyp qaldy
PETROPAVL. KAZINFORM – Soltústik Qazaqstan oblysy Shaǵalaly eldi mekeninde kóppáterli turǵyn úı órtenip, bir adam kúıik aldy.
SQO Tótenshe jaǵdaılar departamenti baspasóz qyzmetiniń málimetinshe, Aqqaıyń aýdany Shaǵalaly eldi mekenindegi eki qabatty turǵyn úıden órt shyqqandyǵy týraly habar 21 naýryz saǵat 13.47 mınýt ketkende kelgen. Eldi meken men jaqyn mańdaǵy órt sóndirý beketiniń arasy 55 km. Mamandar kelgenshe órtti «SKOS» JShS erikti órt sóndirý qurylymy sóndirdi.
Al osy aýyldaǵy orta mekteptiń eki oqýshysy – 16 jastaǵy Konstantın Antropov pen 15 jastaǵy Stanıslav Peters páter ıesin qutqardy.
Denesiniń 20 % kúıip, ıis tıip ýlanǵan 68 jastaǵy er adam aýrýhanaǵa jatqyzyldy. Jaǵdaıy ortasha.
Aldyn ala boljam boıynsha, órt peshti durys qoldanbaýdan shyqqan.
