SQO-da mektepte qashyqtan bilim berýge qosymsha 596 kompıýter satyp alyndy
PETROPAVL. QazAqparat – Soltústik Qazaqstan oblysynda oqýshylardy qashyqtan oqytýdy qamtamasyz etý úshin bıýdjetten qosymsha 116 mln teńge bólindi, dep habarlaıdy QazAqparat tilshisi.
Oblystyq bilim basqarmasynyń málimetinshe, qazirgi ýaqytta óńirde 72 557 oqýshy bilim alady. Olardyń 5 myńǵa jýyǵy shalǵaı aýyldarda oqıdy, ıaǵnı ınternet joq.
«Oblystaǵy oqýshylardyń 66,8% - 48 myńnan astamy onlaın bilim alady. Al teledıdar arqyly 22,7% - 16 myńnan astam bala sabaq oqıdy. Keı oqýshylardyń úıinde kompıýter joq. Petropavlda mektepter 2 747 balany qajetti tehnıkamen qamtamasyz etti», - deıdi SQO Bilim basqarmasynyń jetekshisi Gúlmıra Kárimova.
Óńirdegi oqýshylarǵa mektepter tarapynan 1 775 kompıýter ýaqytsha qoldanysqa berildi. Alaıda bul da azdyq etken. Mektep oqýshylaryn qashyqtan oqytýdy qamtamasyz etý úshin bıýdjetten 116 mln 200 myń teńge qarajat bólinip, oǵan 596 noýtbýk satyp alyndy.
Mamandardyń aıtýynsha, oblysta 12 myńnan astam pedagog bar. Onyń 10 myńnan astamy muǵalim. Búginde olar qashyqtan sabaq berý úshin vebınarlarǵa qatysyp jatyr.
