SQO-da mektep túlekteri bıologııa men fızıka pánderi boıynsha emtıhandardy tańdaýda
PETROPAVL. QazAqparat - Oblystyq ákimdikte mektep túlekterin emtıhandarǵa daıyndaý máseleleri talqylandy, dep habarlaıdy «QazAqparat» HAA menshikti tilshisi SQO ákiminiń baspasóz qyzmetine silteme jasap.
Bıyl qorytyndy attestatsııalaý tártibi mektepti bitirý emtıhandary jáne joǵary oqý oryndaryna túsý bolyp ekige bólindi. Bilim basqarmasynyń basshysy Sholpan Karınova atap ótkendeı, bıyl barlyq túlekter memlekettik emtıhandardy 29 mamyr men 9 maýsym aralyǵynda tapsyrady. Emtıhandar mektepterde 5 pán boıynsha, sonyń ishinde 4 mindetti jáne bir tańdaý páni boıynsha ótedi. Túlekter attestattaryn 10-12 maýsym aralyǵynda qoldaryna alady. «Bıyl 3630 túlek mektep bitirgeli jatyr. 20 maýsym men 1 shilde aralyǵynda bes pánnen Biryńǵaı ulttyq testileý ótedi. Qazir UBT-ǵa qujat tapsyrý úshin baza jasalynyp jatyr. Aldyn ala derek boıynsha, túlekterdiń 60,5%-y testileýden ótedi», - dedi Sholpan Karınova.Óńirdegi túlekterdiń kóp bóligi besinshi pán retinde bıologııa men fızıkany tańdaýda.
«UBT jyl saıyn - balalar men ata-analardyń qınalatyn sáti. 12 mamyr - birtutas ata-analar jınalysy ótetin kún. Onyń maqsaty - mektepterde baqylaý keńesin qurý, ıaǵnı qoǵamdyq baqylaýdy kúsheıtý. Mektepterdegi kóptegen máselelerdi baqylaý keńesteri arqyly sheshýge bolady», - dep atap ótti óńir basshysy Qumar Aqsaqalov.
Bıyl «Altyn belgige» 140 túlek úmitker atanyp otyr.
