SQO-da mektep shatyrynda qar kúrep júrip qulaǵan er adam qaıtys boldy

PETROPAVL. KAZINFORM – Soltústik Qazaqstan oblysynda mekteptiń shatyryn qardan tazartyp júrgen er adam qulap, qaıtys boldy.

SQO bilim basqarmasynyń málimetinshe, oqıǵa Ǵabıt Músirepov aýdanynyń Sokologorovka orta mektebinde bolǵan. 

Saǵat 12.00 shamasynda mekteptiń shatyrynyń qaryn túsirýge sharýashylyq meńgerýshisi men jumysshy mingen.

Shamalydan keıin 62 jastaǵy sharýashylyq meńgerýshisi oqysta tóbeden qulaǵan. 

Er adamnyń kenetten ólip ketýine júrek aýrýy sebep bolǵan eken.

Ólim týraly medıtsınalyq kýálikte er adamnyń mıokard ınfarktin alǵany kórsetilgen.