SQO-da mektep ǵımaraty opyrylyp tústi
SOLTÚSTІK QAZAQSTAN OBLYSY. QazAqparat - Soltústik Qazaqstan oblysynda mektep ǵımaratyna japsarlas salynǵan nysan qırady. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmet málim etti, dep habarlaıdy QazAqparat tilshisi.
«24 sáýir kúni túngi saǵat 01-30 shamasynda Soltústik Qazaqstan oblysynyń Taıynsha aýdanynyń Taıynsha kentindegi №1 orta mektep ǵımaratyna japsarlas salynǵan apat kezinde syrtqa shyǵýǵa arnalǵan aýmaǵy 50 sharshy metr nysan opyrylyp tústi. Aldyn ala málimetterge sáıkes ǵımarattyń tegis ornyqpaýy saldarynan paıda bolǵan tik jaryqshaq nysannyń qıraýyna túrtki bolǵan», - dedi ol.
Resmı ókildiń aıtýynsha, abyroı bolǵanda zardap shekkender men qaza tapqandar joq.
«Mekteptiń kommýnıkatsııalyq júıesi búlingen joq. Bilim ordasynda sabaq ýaqytsha toqtatyldy», - dedi N.Nurahmet.
