SQO-da mektep bıýdjetin jarııalap otyrý usynyldy
PETROPAVL. QazAqparat - Soltústik Qazaqstan oblysynyń Maǵjan Jumabaev aýdanynda mektepterdegi aqsha jınaý máselesi men qamqorshylyq keńesterdiń jumysy talqylandy, dep habarlaıdy QazAqparat tilshisi.
Memlekettik qyzmet isteri jáne sybaılas jemqorlyqqa qarsy is-qımyl agenttigi departamentiniń baspasóz qyzmeti taratqan málimetterge qaraǵanda, vedomstvo basshysy Elena Stepanenko mektep dırektorlarymen kezdesken. Anyqtalǵandaı, mektepter ata-analarǵa qamqorshylyq keńesterdiń jumysy týraly tolyq aqparat usynbaıdy.
«Mektepterde, balabaqshalarda aqsha jınaýdy doǵarý úshin Memlekettik qyzmet isteri jáne sybaılas jemqorlyqqa qarsy is-qımyl agenttigi mindetti tolyq qarjylyq esep berý tájirıbesin engizýdi usynady. Bul qarjyny ońdy-soldy paıdalaný men sybaılas jemqorlyqty joıýǵa septigin tıgizedi», - deıdi E.Stepanenko.
Oblystyń Sybaılas jemqorlyqqa qarsy qyzmetiniń ınspektory Svetlana Zaıtsevanyń aıtýynsha, bilim berý salasy jemqorlyq jaılaǵan salalardyń birine aınalǵan. Jaǵdaıdy retteý úshin jumyla kirisý qajet.
Kezdesýde memlekettik qyzmetter kórsetý sapasyn arttyrý máselesi de talqylandy. Bul oqý jylynyń basynan eldiń mazasyn ketiretin jaıt. E. Stepanenko basshylarǵa qyzmettik mindettemelerin atqarý kezinde múddelerdiń túıisýine jol bermeý qajettigin taǵy bir ret eskertti.
