SQO-da mekeme býhgalteri 17 mln teńge bıýdjet qarajatyn ıemdegeni úshin sottaldy
PETROPAVL. KAZINFORM – Soltústik Qazaqstan oblysynda Maǵjan Jumabaev aýdany Jastar resýrstyq ortalyǵy býhgalteriniń bıýdjet qarajatyn ıemdený faktisi anyqtalyp, ol sot úkimimen jazalandy.
Prokýratýra organdary bıýdjet qarajatyn jumsaý salasyndaǵy zańdylyqtyń saqtalýyn turaqty túrde qadaǵalap otyrady. Tekserý barysynda ortalyqtyń býhgalteri 2020 jyldyń qańtarynan 2025 jyldyń aqpanyna deıingi aralyqta óz shotyna jalpy somasy 17 mln teńge bolatyn jalaqy jáne ózge tólemderdi zańsyz aýdarǵany belgili boldy.
Bul derek boıynsha 2025 jylǵy 27 naýryzda aýdan prokýratýrasy QR Qylmystyq kodeksiniń 189-baby 4-bóliginiń 2) tarmaǵy boıynsha (senip tapsyrylǵan bótenniń múlkin ıemdený nemese jymqyrý) sotqa deıingi tergeýdi bastaǵan.
- Maǵjan Jumabaev aýdandyq sotynyń 2025 jylǵy 29 qyrkúıektegi úkimimen esepshi kináli dep tanylyp, barlyq menshik nysanyndaǵy uıymdarda materıaldyq jaýapkershilik pen býhgalterlik qyzmetke baılanysty laýazymdardy atqarý quqyǵynan aıyra otyryp, 7 jylǵa bas bostandyǵynan aıyryldy. Úkim zańdy kúshine endi, - dep jazdy baqylaýshy organnan.
QR Qylmystyq kodeksiniń 74-babyna sáıkes, sottalǵan áıeldiń jas balasy bolǵandyqtan, jazany óteý merzimi 2028 jyldyń 27 qyrkúıegine, ıaǵnı bala on tórt jasqa tolǵanǵa deıin keıinge qaldyryldy.
Memleketke keltirilgen zalal ishinara ótelgen.
Aıta keteıik, SQO-da 840 mln teńgeni jymqyrǵan kásipkerge qatysty úkim ózgerissiz qaldy.