SQO-da medıtsına qyzmetkeri 20 táýlikke qamaldy

PETROPAVL. KAZINFORM — Soltústik Qazaqstan oblysynda mas kúıinde kólik júrgizgeni úshin medıtsına qyzmetkeri qamaýǵa alyndy.

SQO sotynyń málimetinshe, oqıǵa 18 qańtarda túnde bolǵan. Býlaev qalasynyń turǵyny, medıtsına qyzmetkeri mas kúıinde kólik júrgizip ustalǵan. Onyń múlde júrgizýshi kýáligi bolmaǵan. 

M.Jumabaev aýdanynyń soty ákimshilik quqyq buzýshylyq isti qarap, sot otyrysynda áıel kinásin moıyndady. Aıtýynsha, dámhanada spırttik ishimdik ishken, keıin tanystarymen birge úıge ketken. Jolda rólge mas otyrǵan, ony polıtsııa qyzmetkeleri toqtatty. 

Sot qaýlysymen áıel 20 táýlikke ákimshilik qamaýǵa alyndy. 

Qaýly zańdy kúshine engen joq.

Buǵan deıin SQO-da bank shotyn bireýlerge paıdalanýǵa bergen turǵyn endi keltirilgen shyǵyn — 3 mln teńgeni ózi óteıtindigin jazǵan edik.