SQO-da medıtsınalyq jabdyq saýda-sattyǵynda sóz baılasqan kompanııa jazalandy
2019 jyly Soltústik Qazaqstan oblysy boıynsha Monopolııaǵa qarsy departament júrgizgen básekelestikti qorǵaý salasyndaǵy zańnamanyń buzylýyna tergeý nátıjeleri boıynsha «Gelıka» JShS jáne «Amanat» JShS medıtsınalyq jabdyqtardy satyp alý boıynsha saýda-sattyqqa qatysýshylardyń áreketterinde básekelestikke qarsy kelisim (kartel) faktisi anyqtaldy.
«Karteldik sóz baılasý jolymen sýbektiler tapsyrys berýshi bólip kórsetken baǵaǵa mólsherles belgileý arqyly kezek-kezek kórineý utylyp qalatyn usynystardy usyna otyryp, jasandy básekelestikti qurǵan. Osylaısha, sýbektiler medıtsınalyq uıymdarmen memlekettik satyp alý sharttaryn jasasý úshin ózderine neǵurlym tıimdi jaǵdaı jasaǵan.
Іsti qaraı otyryp, birinshi jáne apellıatsııalyq satydaǵy sottar departament jınaǵan karteldik sóz baılasýdyń dáleldemeleri jetkiliksiz degen qorytyndyǵa keldi, osy negizde sheshimderdi naryq sýbektileriniń paıdasyna shyǵardy. Bul rette karteldiń bar ekendigin kýálandyratyn janama dáleldemelerge tıisti quqyqtyq baǵa berilmegen.
Joǵarǵy sotta is materıaldaryn janama (tikeleı emes) dáleldemeler jıyntyǵyna zerdelep, joǵaryda atalǵan sýbektilerdiń áreketterinde monopolııaǵa qarsy buzýshylyq – karteldik sóz baılasý faktisi dáleldendi degen qorytyndyǵa keldi», delingen habarlamada.
Joǵarǵy sottyń qaýlysymen birinshi jáne apellıatsııalyq ınstantsııa sottarynyń sheshimderi joıylǵan.
Osylaısha, tergeý nátıjeleri boıynsha «Gelıka» JShS atyna básekelestikti qorǵaý salasyndaǵy zańnamany buzýshylyqtardy toqtatý jáne joıý týraly nusqama engizildi, sondaı-aq ákimshilik is qozǵaldy.
Petropavl qalasynyń mamandandyrylǵan ákimshilik soty 1 741 369 teńge kóleminde aıyppul salyp, 3 402 758 teńge monopolııalyq tabysty tárkiledi. Sot qaýlysy zańdy kúshine engen joq. Shyǵarylǵan uıǵarym oryndaldy.
