SQO-da medıtsınalyq ujym lezdemelerdi qazaqsha ótkize bastady
Soltústik Qazaqstan oblystyq jedel medıtsınalyq ortalyq dırektory ıÝrıı Belonog bul jaıynda óziniń áleýmettik jelidegi paraqshasynda bólisti.
«Bıylǵy naýryz aıynan bastap ár aptanyń sársenbisi men juma kúnderi biz lezdeme men esep berýdi memlekettik tilde júrgizip kelemiz. Basynda, árıne, qıyn boldy. Jınalystarymyzdyń ýaqyty sozyldy, biraq qazir bári bir júıege túsip, úırenshikti jaǵdaıǵa aınalyp keledi.
Ujymdaǵy dárigerler men feldsherlerdiń 90% - jastar, olar qazaq tilinde aýyzeki sóıleıdi jáne tez úırenetin daǵdylary bar.
R.S. Bizdiń barlyq brıgadalarymyz syrqatqa qajetti medıtsınalyq kómek bere alatyndaı memlekettik tilde túsinise alady. Bizdiń maqsatymyz – Memlekettik tildi ómirde de, jumysta da erkin qoldaný», - dep jazdy ıÝrıı Belonog.
Ortalyq dırektorynyń aıtýynsha, jańashyldyqty qabyldaý qashan da qıyn, sol sebepti bastapqyda narazylyq bildirgender bolǵan. Biraq basshylyq olarǵa tildi úırenýge qańtar aıynan naýryzǵa deıin ýaqyt bergen.
«Qazir ujymda 500-deı adam eńbek etedi. Olardyń jartysyna jýyǵy qazaq tilinen shalaǵaı, sonyń ishinde Reseıden qonys aýdarǵan jáne ózimizdiń qazaqtar da bar. Jalpy bizdiń ujymda 35 túrli ult ókili eńbek etip jatyr.
Ynta bolsa tildi meńgerýge bolady. Men qazaq tilin eshqandaı kýrsqa barmaı, ózdigimnen úırenip júrgenime 5 jyldyń júzi boldy. Erkin meńgermesem de sóıleımin, túsinise alamyn», - deıdi ıÝrıı Belonog.
