SQO-da medıtsınalyq qyzmet úshin 13,5 mlrd teńge tólem jasaldy
PETROPAVL. QazAqparat - «Áleýmettik medıtsınalyq saqtandyrý qory» Soltústik Qazaqstan oblysynyń fılıaly oblystyń medıtsına uıymdaryna halyqqa kórsetilgen qyzmet úshin bes aıdyń qorytyndysy boıynsha 13,5 mlrd teńge tóledi, dep habarlaıdy QazAqparat tilshisi.
«ÁMSQ» KEAQ SQO boıynsha fılıalynyń baspasóz qyzmetiniń habarlaýynsha, Qazaqstan boıynsha 2019 jyldyń basynan tólem 464 mlrd teńgeni qurady. Qarjy kepildendirilgen tegin medıtsınalyq kómek paketi sheńberinde bólindi, bul jalpy somanyń 53,5%.
Bıyl medıtsınalyq saqtandyrý qory kepildendirilgen kómek túrlerin kórsetýge qulshynys bildirgen medıtsına uıymdarymen 868 mlrd teńgeniń kelisimshartyn bekitken bolatyn. Bul ótken jyly bólingen qarjydan 6% artyq.
Bıyl memlekettik tapsyrysty oryndaýǵa respýblıka boıynsha 1416 medıtsına uıymy atsalysyp jatyr. Onyń ishinde 708 jeke menshik klınıka bar. Bıyl olardyń sany ótken jylmen salystyrǵanda 64-ke artqan.
Memlekettik tapsyrysty alǵan jeke menshik klınıkalar sany jaǵynan Shymkent, Nur-Sultan, Almaty qalalary men Qyzylorda jáne Jambyl oblystary kósh bastap tur.
Esterińizge sala ketsek, medıtsınalyq saqtandyrý qory 2018 jyldan bastap tegin medıtsınalyq kómek jáne mindetti áleýmettik medıtsınalyq saqtandyrý paketteriniń qarjylyq operatory jáne halyqqa kórsetiletin medıtsınalyq qyzmetterdi QR Úkimeti bekitken tártip boıynsha satyp alady.
