SQO-da medıtsınalyq kómektiń 32 jol kartasy engizilmek
PETROPAVL. QazAqparat – Soltústik Qazaqstan oblysynda medıtsınalyq kómektiń túrli baǵyttary boıynsha 32 jol kartasy men 3 jedel jospar engizilmek. Olar: ana ólimin azaıtý, bala ólimin azaıtý jáne bastapqy medıtsınalyq-sanıtarlyq kómekti damytýmen baılanysty, dep habarlaıdy QazAqparat.
Densaýlyqsaqtaý basqarmasynyń jetekshisi Tımýr Sultanǵazıevtiń aıtýynsha, osylardyń ishinde eń ózektileri ótkir mıokard
Oblystyq densaýlyq saqtaý basqarmasynyń basshysy Tımýr Sultanǵazıevtiń aıtýynsha, jol kartalarynyń ishindegi basymdyqqa ıelerine - ótkir ınfarkt, ınfarkt mıokardy, ınsýlt, onkologııa, jaraqattar, bosaný kezinde kómek kórsetý kartalary jatady.
Atap aıtqanda, aımaqta qan aınalymy júıeleri boıynsha kezdesetin syrqat deńgeıi respýblıkalyq kórsetkishten joǵary. Basqarma basshysy bul jaǵdaıdy qartaıýdyń joǵary kórsetkishimen túsindiredi: oblystaǵy halyqtyń 55,8 paıyzynyń jasy 65-ten asyp ketken adamdar.
Dese de, atalmysh toptaǵy ólim-jitim kórsetkishi 11,4 paıyzǵa azaıǵan. Keıingi 3 jylda tipti 37,3 paıyzǵa tómendegen. Júrektiń ıshemııalyq aýrýlarynan keletin ólim-jitim 20 paıyzǵa, bas mıy tamyrlarynyń jarylýynan bolatyn ólim deńgeıi 9 paıyzǵa azaıǵan.
«Qan aınalymy aýrýlary boıynsha 48 myń adam skrınıngten ótti. 1380 adamda aýrý bary belgili boldy. Anyqtalǵan patsıenttiń bári esepke alynyp, em-dom alyp jatyr», - dedi T.Sultanǵazıev.
Onyń aıtýynsha, alǵashqy medıtsınalyq-sanıarlyq kómek alatyn dárigerlerdiń bári kardıologııalyq aýrýlary bar azamattarǵa kómek kórsetý boıynsha oqytylýda. Sonymen qatar, kardıologııalyq ortalqqa quny 467 mln teńgelik tsıfrlyq angıograf ákelip qoıý josparlanǵan.
