SQO-da medıtsına nysandarynyń ınfraqurylymy 75 paıyzǵa tozǵan
SQO qarjy basqarmasynyń basshysy Natalıa Dyshkanttyń aıtýynsha, óńirde densaýlyq saqtaý salasyn qarjylandyrý mańyzdy aspektiniń biri. Byltyr oblys medıtsınasyna 10 mlrd 369 mln teńge jumsalǵan.
«Densaýlyq saqtaý qyzmetteriniń sapasyn arttyrý maqsatynda 268 medıtsınalyq tehnıka, sonyń ishinde zamanaýı MRT, KT apparattary, angıograf jáne rentgen apparattary satyp alyndy. Budan basqa, kópbeıindi oblystyq balalar aýrýhanasynyń avtobazasy jańa 30 sanıtarlyq avtokólik pen avtorefrıjeratormen tolyqty.
Jambyl aýdanynyń Blagoveşenka dárigerlik ambýlatorııasyna, Ǵ.Músirepov atyndaǵy aýdannyń Novoselovka dárigerlik ambýlatorııasyna, Aqqaıyń aýdanynyń Shaǵalaly aýyly dárigerlik ambýlatorııasyna – barlyǵy 7 densaýlyq saqtaý nysanyna kúrdeli jóndeý júrgizildi. Osy maqsatqa jalpy somasy 309,2 mln teńge jumsaldy», - deıdi Natalıa Dyshkant.
Mamannyń aıtýynsha, medıtsına qyzmetteri qadamdyq qoljetimdilikte bolýy úshin jańa «Bereke», «Jas órken» shaǵynaýdandarynda emhanalaprdyń qurylysy júrgizilip jatyr. Bul eki jobaǵa 803,3 mln teńge jumsalmaq.
Byltyr atqarylǵan jumystardyń nátıjesinde densaýlyq saqtaý uıymdaryn medıtsınalyq tehnıkamen jaraqtandyrý 5,7 %-ǵa artyp, 60 %-dy qurady. Al medıtsına nysandary ınfraqurylymynyń tozýy 0,9 %-ǵa tómendep, 74,7 %-ǵa jetti.