SQO-da maıly daqyldar alańy artty - Saparhan Omarov
«Soltústik Qazaqstan oblysy agroónerkásiptik keshendi damytý boıynsha úlken áleýetke ıe. Agroónerkásiptik keshendi damytýdyń memlekettik baǵdarlamasynda jáne Soltústik Qazaqstan oblysyn damytýdyń 2021 jylǵa deıingi keshendi josparynda kózdelgen sharalardyń arqasynda oblys úshin ótken jyl oń nátıjeler kórsetti. Ósimdik sharýashylyǵyndaǵy ártaraptandyrý aıasynda sońǵy úsh jylda maıly daqyldar alańy 1,3 esege ulǵaıyp, ótken jyly 922,6 myń gektardy qurady. Mashına-traktor parkin jańartý jónindegi mindet aıasynda 2020 jyly 2085 aýyl sharýashylyǵy tehnıkasy satyp alyndy, bul 2018 jylǵydan 33,6 paıyzǵa kóp», - dedi mınıstr.
Onyń aıtýynsha, mal sharýashylyǵynda úsh jyl ishinde qýaty 36 myń tonna sútti quraıtyn jańa 12 sút kesheni jáne 3 bordaqylaý alańy paıdalanýǵa berildi. Taıynsha et kombınatyna jańǵyrtý júrgizildi, sondaı-aq «BioOperations» JShS zákirlik kásipornymen astyq óndirý jáne óńdeý jónindegi ekojúıe qurylýda.
«Nátıjesinde oblystyń jalpy aýyl sharýashylyǵy óniminiń kólemi ótken jyly 779 mlrd teńgeni qurady. Bul – jalpy respýblıkalyq kólemde óńirler arasynda ekinshi oryn, al aýyl sharýashylyǵyna quıylǵan ınvestıtsııalar kólemi boıynsha óńir birinshi orynda. Alaıda, bul aýyl sharýashylyǵy boıynsha aıtarlyqtaı serpilis jasaý úshin jetkiliksiz», - dedi S. Omarov.
Aıta keteıik, búgin Úkimet otyrysynda QR Ulttyq ekonomıka mınıstri Áset Erǵalıev Soltústik Qazaqstan oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi josparyn tanystyrdy. Premer-Mınıstr Asqar Mamın jospar óńirdiń ınfraqurylymyn jaqsartatynyn atap ótti.