SQO-da maıdangerlerge arnalǵan eskertkishter demeýshilerdiń qarajatyna jóndelip jatyr
SQO Tarıhı-mádenı murany qorǵaý jáne paıdalaný ortalyǵynyń málimetinshe, mereıtoı qarsańynda óńirdegi UOS arnalǵan eskertkishterdiń sapasy men jaǵdaıy tekserilip, jóndeý júrgizýge jáne mańaıyn abattandyrýǵa qatysty usynys berildi. Petropavl qalasynda 4 eskertkishte jóndeý jumystary aıaqtaldy.
«Máńgilik alaý» memorıaldyq kesheninde, Jeńis saıabaǵy men qalalyq mádenıet saıabaǵyndaǵy jáne 314 atqyshtar dıvızııasyna arnalǵan eskertkishterde jóndeý jumystary júrgizildi. Onyń barlyǵy demeýshilerdiń qarjysyna jasaldy. Aptanyń sońynda Petropavldaǵy jaýyngerler jerlengen zırattarda senbilik júrgizilip, tazalanady», - deıdi SQO Tarıhı-mádenı murany qorǵaý jáne paıdalaný ortalyǵynyń jetekshisi Raqat Mámbetalınov.
Oblystyń aýdan-aýyldarynda da jaýyngerlerge arnalǵan eskertkishter aýyl turǵyndary men kásipkerlerdiń kúshimen jónge keltirilip jatyr. Máselen Qyzyljar aýdany Beloe eldi mekeninde demeýshiler 3 mln teńge qarjy shyǵaryp, ol aqshaǵa obelısk tolyq jańartyldy. Al Qyzyljar aýdanynda ár aýyldyq okrýg ákimdigi osy maqsatqa 500 myń teńgeden bóldi.
«Jóndeý jáne qalypqa keltirý jumystarymen qatar ómirden ozǵan jáne kózi tiri ardagerlerdiń esimderi eskertkish taqtalarǵa jazylyp jatyr. Buǵan deıin maıdan dalasynan oralmaǵan bozdaqtardyń esimderi ǵana qashalyp jazylatyn. Qazir soǵysqa qatysqandardyń bárin eskertkish tastaǵy tizimge qosyp jatyrmyz», - deıdi Raqat Mámbetalınov.
SQO-da Ekinshi dúnıejúzilik soǵys arnalǵan 554 eskertkish bar. Onyń 12-si sáýlet jáne mádenı eskertkishterdiń jergilikti mańyzy bar memlekettik tizimine engen.
