SQO-da mas júrgizýshiniń kinásinen bir adam mert boldy
PETROPAVL. QazAqparat – Soltústik Qazaqstan oblysynda avtokóliktiń mas júrgizýshisi júk kóligimen soqtyǵysyp, bir adam qaza tapty, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, oqys oqıǵa 4 aqpan kúni shamamen saǵat 20.50-de bolǵan. Aýdan ortalyǵy Býlaev qalasy mańyndaǵy «Chelıabi-Novosibir» avtojolynda VAZ-21099 avtokóliginiń 35 jastaǵy júrgizýshisi rólge ıe bola almaı qalyp, jol jıeginde turǵan Volvo aýyr júk kóligimen soqtyǵysqan. Jol-kólik oqıǵasy saldarynan VAZ-21099 avtokóliginiń 1999 jylǵy jolaýshysy oqıǵa ornynda qaza tapty. Jeńil kólik júrgizýshisi jáne 1989 jylǵy ekinshi jolaýshy ortalyq aýdandyq aýrýhanaǵa jetkizildi.
Medıtsınalyq kýálandyrý VAZ-21099 kóligi júrgizýshisiniń mas kúıde bolǵanyn kórsetti.
Atalǵan fakti cotqa deıingi tergep-tekserýdiń biryńǵaı tizilimine «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha engizildi. Qajetti saraptamalar taǵaıyndaldy. VAZ-21099 kóliginiń júrgizýshisi ýaqytsha ustaý ızolıatoryna qamaldy.
2021 jylǵy qańtar aıynda SQO joldarynda 6 jol-kólik oqıǵasy tirkeldi, saldarynan bir adam qaza taýyp, 7 adam jaraqat aldy. Maýsymaralyq kezeńniń jaqyndaýyna jáne kók taıǵaqqa baılanysty polıtseıler jol qozǵalysy qatysýshylaryn jol júrisi erejelerin qatań saqtaýǵa, jyldamdyq rejımin buzbaýǵa, qandaı jaǵdaı bolmasyn rólge mas kúıde otyrmaýǵa shaqyrady.
