SQO-da mas júrgizýshi polıtsııa kóligin soqty
ASTANA. QazAqparat - Tártip buzýyshyny ustaý úshin polıtsııa qyzmetkerleriniń kúsh qoldanýyna týra kelgen, dep habarlaıdy QazAqparat.
«Jolda «Mersedes» avtokóligi júrgizýshisiniń tártipsizdigi patrýldegi polıtseılerdiń nazaryn aýdartty. Avtokólik júrgizýshisi toqtaý týraly bılik ókilderiniń zańdy talabyn elemegen. Birazdan soń quqyq buzýshy toqtatylǵanymen, alaıda kólik salonynan shyǵýdan bas tartyp, aldynda turǵan polıtsııa qyzmetkeriniń avtomashınasyn soqty. Ony ustaý úshin tártip saqshylarynyń kúsh qoldanýlaryna týra keldi», - delingen SQO Polıtsııa departamentiniń habarlamasynda.
Tekserý barysynda 1978 jyly týǵan Petropavl qalasynyń turǵynynyń buryn júrgizýshi kýáliginen aıyrylǵany, sol sııaqty jeńil dárejedegi alkogoldik masań kúıde bolǵany anyqtaldy. Oǵan qatysty jasaǵan buzýshylyqtary boıynsha ákimshilik hattama toltyrylyp, keıin ol qalalyq 1-shi polıtsııa bóliminiń jedel-tergeý tobyna tapsyryldy.
«Atalǵan oqıǵa boıynsha QR QK-niń «Bılik ókiline qatysty kúsh qoldaný» 380-baby boıynsha sotqa deıingi tergep-tekserýdiń biryńǵaı tizilimine engizildi», - dep habarlady Petropavl qalasy 1-shi polıtsııa bóliminiń bastyǵy, polkovnık Balabek Jahın.
Baspasóz málimetine sáıkes, bıylǵy jyly SQO-da sotqa deıingi tergep-tekserýlerdiń biryńǵaı tizilimine polıtsııa qyzmetkerlerine baǵynbaýdyń osymen ekinshi faktisi tirkeldi.
