SQO-da mas júrgizýshi kóligimen soqqan erli-zaıyptylar kóz jumdy
PETROPAVL. QazAqparat – Soltústik Qazaqstan oblysynda erli-zaıypty mas júrgizýshiniń kinásinen mert boldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, oqys oqıǵa 3 aqpanǵa qaraǵan túni Esil aýdany Voloshınka eldi mekeninde bolǵan. «Ford Focus» avtokóliginiń júrgizýshisi aýyl mańyndaǵy jolda jaıaý ketip bara jatqan erli-zaıyptyny qaǵyp ketken.
Olar sol jerde jan tapsyrdy.
Sheteldik kóliktiń júrgizýshisi oqıǵa ornynda ustaldy. Kýálandyrý júrgizýshiniń alkogoldi mas bolǵanyn kórsetti.
Jol-kólik oqıǵasy boıynsha QR Qylmystyq kodeksiniń «Abaısyzda eki nemese odan kóp adamnyń ólimine alyp kelgen alkogoldik masań kúıde kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» baby boıynsha sotqa deıingi tergeý bastaldy.
32 jastaǵy júrgizýshi, Voloshınka aýylynyń turǵyny, ýaqytsha ustaý ızolıatoryna qamaldy. Sotqa deıingi tergeý aıasynda birqatar saraptamalar taǵaıyndaldy.
Oqıǵanyń mán-jaıy anyqtaý jumystary barysynda belgili bolmaq.
«Jol júrisi qaǵıdalaryn óreskel buzýshylardy anyqtaýǵa baǵyttalǵan profılaktıkalyq is-sharalarǵa qaramastan, júrgizýshilerdiń jol ústindegi tártibi kóńil kónshitpeıdi. Jyl basynan SQO joldarynda kólikti mas kúıde júrgizgen 50-den astam júrgizýshi ustaldy», - deıdi SQO PD bastyǵynyń birinshi orynbasary Qanat Aıtbaev.
