SQO-da mas kúıinde sýǵa túskenderge aıyppul salynyp jatyr
PETROPAVL. QazAqparat – Soltústik Qazaqstan oblysynda tártip saqshylary men qutqarýshylar sýǵa ketýdiń aldyn alý úshin birlesken is-sharalardy qolǵa aldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń habarlaýynsha, arnaıy jaraqtandyrylmaǵan orynda sýǵa shomylǵany úshin 36 petropavldyq eskertý aldy. Olar mundaı jerlerde demalý arqyly óz ómirin qaterge tigedi, óıtkeni, ózenniń túbi - beımálim, qatty aǵys jáne ıirimder bolýy múmkin.
«Sýdaǵy mas adam – jartylaı sýǵa batqan adam» degen bar. Olar óz ómirin qaterge tigip qana qoımaı, qoǵamdyq orynda basqalardyń mazasyn alady. QR Ákimshilik quqyq buzý týraly kodeksiniń 440-baby boıynsha eskertý jasalmaıdy. Aıyppul salynady. Bir jyldyń ishinde eki ret qaıtalanǵan jaǵdaıda 5 táýlikke deıin qamaýǵa alynady», - deıdi Petropavl qalalyq PB jergilikti polıtsııa qyzmeti bólim bastyǵynyń mindetin atqarýshy Álibek Ǵabdýllın.
Esil ózenine jáne Pestroe kóline reıd barysynda mas kúıde qoǵamdyq orynda júrgen 11 adam ákimshilik jaýapkershilikke tartyldy. Tártip saqshylary men qutqarýshylardyń birlesken is-sharalarynyń maqsaty – sýdaǵy qaıǵyly oqıǵalardyń aldyn alý.
