SQO-da mas kúıinde rýlge otyrǵan 15 júrgizýshi ustaldy
PETROPAVL. QazAqparat – Soltústik Qazaqstan oblysynda «Mas júrgizýshi» jedel-profılaktıkalyq is-sharasynyń 3 kúninde kólikti mas kúıde tizgindegen 15 júrgizýshi ustaldy, dep habarlaıdy QazAqparat tilshisi.
SQO polıtsııa departamenti baspasóz qyzmetiniń málimetinshe, 25 jastaǵy petropavldyq kólikti esirtki shegip alyp júrgizgen. Polıtseıler onyń Volkswagen Polo kóligin N.Nazarbaev kóshesinde toqtatqan. Medıtsınalyq kýálandyrý er adamnyń esirtkige eltigenin rastady.
Atalǵan fakti boıynsha ákimshilik materıal jınaldy. Qazirgi ýaqytta ol sot sheshimimen 15 táýlikke qamaýǵa alyndy. Endi tek 32 jasynda ǵana rýlge otyra alady, óıtkeni zańnamamen kólikti mas kúıde júrgizgender 7 jylǵa basqarý quqyǵynan aıyrylady.
«Jalpy operatsııa oblysta qańtardyń 27-men 31-i aralyǵynda ótkiziledi. Maqsat - kólikti mas kúıde basqarý faktilerine jol bermeý, jol qaýipsizdigin arttyrý. Úsh kúnniń ishinde kólikti mas kúıde basqarǵan 15 júrgizýshi anyqtaldy», - deıdi SQO PD Jergilikti polıtsııa qyzmeti basqarmasynyń asa mańyzdy tapsyrmalar jónindegi aǵa ınspektory Azamat Jamuqov.
Jalpy osy aralyqta 1394 quqyq buzýshylyq anyqtaldy. Basym bóligi -195 jaǵdaı qaýipsizdik beldigin taqpaýǵa qatysty, júrip kele jatyp telefonmen sóılesken 156 júrgizýshi anyqtaldy. Taǵy 102 júrgizýshi belgilengen jyldamdyqty asyrǵan. Jaıaý júrginshilerdiń tártibi de polıtseılerdiń nazarynda: joldy belgilenbegen jerden nemese baǵdarshamnyń tyıym salynǵan belgisine kesip ótkeni úshin 273 adam jaýapqa tartyldy.
