SQO-da mas kúıinde kólik júrgizgen aýyl ákimi jazaǵa tartyldy
PETROPAVL. QazAqparat - Ádep jónindegi keńeste M. Jumabaev aýdany Aleksandrov aýyldyq okrýginiń ákimi Qaıyrgeldi Baıtaqovqa qatysty tártiptik is qaraldy, dep habarlaıdy «QazAqparat» HAA tilshisi.
Sheneýnik aqpan aıynda mas kúıinde rýlge otyrǵan. Aýyl okrýgi ákiminiń kóligin keshki saǵat 18.30 shamasynda polıtsııa qyzmetkerleri toqtatqan. Sarapshylar mastyqtyń jeńil deńgeıin anyqtaǵan. Onyń ústine, memlekettik qyzmetshiniń ózi de bir staqan syra ishkenin moıyndaǵan. Ákimshilik sottyń sheshimimen Qaıyrgeldi Baıtaqov úsh jylǵa júrgizýshi quqyǵynan aıyrylǵan bolatyn.
Ádep jónindegi keńestiń músheleri oǵan qatań sógis jarııalaýdy usyndy. Bul mundaı áreket úshin asa qatań jaza emes. Sheneýniktiń jasy men memlekettik qyzmettegi 20 jyldyq eńbek ótili eskerilgen. Qaıyrgeldi Baıtaqov óz isine ókinetinin jáne onyń budan bylaı qaıtalanbaıtynyn jetkizdi.
