SQO-da mas kúıde kólik júrgizgen aýyl ákimi áleýmettik jeliniń «juldyzyna» aınaldy
PETROPAVL. QazAqparat – Soltústik Qazaqstan oblysyndaǵy ıAkor aýyldyq okrýginiń ákimi qyzmettik kólikke mas kúıde otyryp, eldi mekendegi bir turǵynnyń ekken aǵashtaryn soqqan. Bul týraly beınejazba áleýmettik jelide tarap, kóptiń qyzý talqysyna tústi, dep habarlaıdy QazAqparat tilshisi.
17 qarasha kúni áleýmettik jelilerde mas er adamnyń qyzmettik kólikte otyrǵandyǵy jóninde beınejazba jarııalandy. Rolık avtorynyń sózine qaraǵanda, ondaǵy er adam - ıAkor aýyldyq okrýginiń ákimi. Aıaǵynda ázer turǵan ol «Jıgýlıdi» basqara almaı, joldan shyǵyp ketken.
QR Memlekettik qyzmet isteri agenttiginiń Soltústik Qazaqstan oblysy boıynsha departamenti osy oqıǵanyń anyq-qanyǵyn tekserdi.
«Quzyrly mekemelerge: aýdandyq ákimdikke, aýdandyq ishki ister bólimine, medıtsınalyq uıymdarǵa suraý salyndy. Qyzyljar aýdandyq ákimdigi bergen aqparat boıynsha, aýyldyq okrýg ákimi 14 qarasha kúni óz erkimen jumystan ketý týraly aryz jazyp, 15 qarasha kúni onyń ótinishine qol qoıylǵan. Al oqıǵa 14 qarashadan 15 qarashaǵa aýǵan túni bolǵan», - deıdi departament mamandary.
Budan basqa beınerolıkte avtor óziniń Qyzyljar aýdany ákimimen týystyǵyn aıtady. Bul jaıt ta áleýmettik jelilerde kópshiliktiń synyna ushyrady. Osyǵan oraı Memlekettik qyzmet isteri agenttiginiń SQO boıynsha departamenti aýdandyq ákimdikke qatysty aıtylǵan synı pikirlerge jaýap berý jóninde hat joldady.
SQO ákimi baspasóz qyzmetiniń habarlaýynsha, Qumar Aqsaqalov osy oqıǵadan keıin Qyzyljar aýdanynyń ákimine óz mindetine salǵyrt qaraǵany jáne baqylaýdy bosańsytqany úshin sógis jarııalady.
