SQO-da mas áıel dúkendi «mınalaǵan»
PETROPAVL. QazAqparat - Soltústik Qazaqstan oblysynda jyl basynan beri alǵash ret lańkestik áreket týraly jalǵan habarlama tústi, dep habarlaıdy «QazAqparat» HAA SQO ІІD baspasóz qyzmetine silteme jasap.
Taıynsha qalasyndaǵy dúkenderdiń birindegi jarylǵysh zat týraly qońyraý aýdandyq ІІB kezekshi bólimine túsken. Kórsetilgen mekenjaıǵa polıtsııa men TJ bóliminiń qyzmetkerleri barǵan. Olar dúken men onyń aýmaǵyn tekserip shyǵyp, eshqandaı jarylǵysh zat tappady.
«Jedel-izdestirý sharalary barysynda 36 jastaǵy Taıynsha turǵyny -polıtsııaǵa qońyraý shalǵan nómirdiń ıesi ustaldy. Sol kúni áıeldiń mas bolǵany anyqtaldy», - dep atap ótti baspasóz qyzmetindegiler.
Taıynsha aýdandyq ІІB bastyǵy Nurlyjan Aqtanovtyń aıtýynsha, atalmysh fakti boıynsha QR QK 273-baby «Terrorızm aktisi týraly kórineý jalǵan habarlaý» boıynsha qylmystyq is qozǵaldy.
