SQO-da MÁMS saqtandyrý qoryna kásipkerler 36 mln teńge shamasynda bereshek
«Áleýmettik medıtsınalyq saqtandyrý qory» KEAQ SQO boıynsha fılıaly dırektory Larısa Gordeevanyń aıtýynsha, óńirde 564 706 turǵyn bolsa, MÁMS júıesinde medıtsınalyq kómek alýǵa quqyǵy bar adamdardyń sany 438 899 adamdy nemese 77,7 %-dy quraıdy. Al halyqtyń 50 %-y - 281 660 adam jarna tóleýden bosatylǵandar, olar 15 jeńildik sanatyna kirip, olar úshin mindetti áleýmettik medıtsınalyq saqtandyrý jarnalaryn memleket tóleıdi.
Eńbekke qabiletti 125 807 adam medıtsınalyq saqtandyrylmaǵan. Olardyń 86 myńynan byltyr qorǵa bir tıyn da tólem túspegen.
«Saqtandyrylmaǵan azamattar josparly, statsıonarlyq kómek, sondaı-aq emhanalarda konsýltatsııalyq-dıagnostıkalyq kómek ala almaıdy, KT, MRT, ÝDZ jáne basqa qymbat turatyn zertteýlerden ótip, taldaýlar tapsyra almaıdy, qalpyna keltirý ońaltýdan óte almaıdy», - deıdi Larısa Gordeeva.
SQO boıynsha memlekettik kiris departamentiniń derekteri boıynsha, MÁMS qoryna óńir boıynsha bereshek - 36,4 mln teńge, onyń 34,4 mln teńgesi 433 zańdy tulǵanyń, 2 mln teńgesi 700 jeke kásipkerlik sýbektileriniń qaryzy.
