SQO-da Mamlıýtka qalasynyń turǵyny baqshasynan snarıad taýyp aldy
PETROPAVL. KAZINFORM – Soltústik Qazaqstan oblysy Mamlıýtka qalasynyń turǵyny baý-baqshasynda jumys istep júrip jarylǵysh zatqa uqsas zat taýyp alǵan.
SQO Polıtsııa departamenti baspasóz qyzmetiniń málimetinshe, er adam birden Mamlıýt aýdanynyń polıtsııa bólimine habarlasqan. Oqıǵa ornyna aýdandyq polıtsııa bóliminiń qyzmetkerleri jedel jetti. Jarylǵysh zat tabylǵan aýmaqty qorshaýǵa alyp, jaqyn mańdaǵy úılerdiń turǵyndary qaýipsiz jerge ýaqytsha kóshirildi. Sonymen qatar jarylǵysh zattarmen jumys isteýge mamandanǵan departamenttiń oqý-jattyǵý vzvodynyń ofıtserleri de kelip jetti.
Tabylǵan zat – boljam boıynsha azamat soǵys (1917–1922 jyldar) kezeńine tıesili snarıad. Mamandar ony abaılap arnaıy polıgonǵa jetkizip, joıdy.
Topyraq astynda biraz jatyp qalǵandyqtan tot basyp, belgisi men nómirin anyqtaý múmkin bolmaǵan. Tártip saqshylarynyń aıtýynsha, buǵan deıin de bul aýmaqta HH ǵasyrdyń basyna jatatyn osyndaı buıymdar tabylǵan.
Osyǵan oraı polıtseıler kúmándi zatty baıqaǵan jaǵdaıda dereý «102» nómirine habarlaý qajettigin eskertedi.
Esterińizge salaıyq, Petropavlda sý tasqynyna qarsy jumys barysynda úıdiń irgetasynan elýge jýyq myltyq uńǵysy tabylǵan edi.