SQO-da mamandar benzınniń qymbattaýyna ne sebep bolǵanyn aıtty
PETROPAVL. QazAqparat – Soltústik Qazaqstan oblysynda kásipkerlik jáne ındýstrıaldy-ınnovatsııalyq damý basqarmasynyń ókilderi benzınniń taǵy da qymbattaýyna ne sebep bolǵanyn aıtty, dep habarlaıdy QazAqparat tilshisi.
SQO kásipkerlik jáne ındýstrıaldy-ınnovatsııalyq damý basqarmasynyń bólim basshysy Lázzat Ǵaleevanyń aıtýynsha, benzın baǵasynyń ósýine óndirýshi zaýyttardyń óz ónimin qymbattatýy jáne Atyraýdaǵy munaı óńdeý zaýytynyń josparly jóndeýge jabylýy sebep boldy. Kásiporyndarda baǵanyń ósýinen óńirde janarmaı jetispeýshiligi týyndady. Osyǵan oraı energetıka mınıstrligine bizdiń oblysqa lımıtti ulǵaıtý jóninde hat jiberildi. Ázirge jaýap joq.
Buǵan deıin benzınniń bir aıda orta eseppen 20 teńgege deıin qymbattaǵanyn aıtyp edik.
Qazir AI-92 markaly benzınniń lıtri Petropavldaǵy janar-jaǵar maı quıý beketterinde 177-178 teńgeden satylyp jatyr. AI-95 markaly benzın baǵasy 190 teńgege deıin jetti.
