SQO-da maldyń jappaı qyrylý sebepteri anyqtaldy
PETROPAVL. QazAqparat - Soltústik Qazaqstan oblysynyń Arhangel aýylynda iri qara maldarda brýtsellez aýrýynyń paıda bolýyna baılanysty karantın jarııalandy, dep habarlaıdy QazAqparat tilshisi.
Veterınarııa basqarmasy jetekshisiniń mindetin atqarýshy Berik Áljanov osy jaǵdaıǵa qatysty pikir bildirdi.
Onyń aıtýynsha, aýylda epızootııaǵa qarsy respýblıkalyq jasaq jumys jasap jatyr. Arnaıy qyzmetkerler ár 15-20 kún saıyn dıagnostıkalyq zertteýler júrgizedi. Aýrý maldardy anyqtaǵannan soń olardy oqshaýlap, sanıtarlyq maqsatta soıýǵa tapsyrady. Bıýdjetten jalpy mal baǵasynyń 30 paıyzy ǵana tólenedi, qalǵany - et óńdeýshi kásiporynnyń moınynda.
«Jeke sektorda brýtsellezge shaldyqqan 26 bas mal belgili boldy. Barlyǵy sanıtarlyq maqsattaǵy soǵymǵa ótkizildi. Byltyrdan beri jeke kásipkerdiń menshiginde bolǵan. Alaıda shekteý qoıyldy. Shamamen 10 ret qan alyndy. Qazir ol barlyq 60-qa jýyq mal bas mal basyn soǵymǵa ótkizip jatyr. Tergeý júrgizildi, sebebin áli anyqtaý ústindemiz. Sharýa qojalyǵy maldy ózge qojalyqtardan veterınarlyq qyzmetke eskertpeı satyp alǵan», - dedi B. Áljanov.
Sondaı-aq, veterınarlyq qyzmet ókilderi eldi mekenderden súttiń shyǵarylmaýyn qadaǵalap otyr. Shekteý qoıylǵan ýaqyttan bastap sútti tamaqqa qosýǵa jáne shyǵarýǵa tyıym salyndy. Tek janýarlarǵa jem retinde qaınatyp bergennen keıin ǵana paıdalanýǵa bolady.
Qyzyljar aýdanynyń ıAkor aýylynda maldar jappaı qyrylyp jatyr. Oǵan sebep maldardyń ýlanýy dep boljanýda. Óńirde 12 bas usaq qara mal jáne 6 bas iri qara mal zardap shekken.
Aıyrtaý aýdanyna qarasty Eletskoe aýylynda qustardan shyqqan Nıýkasl aýrýyna baılanysty karantın jarııalandy. 500 mal basy qyrylǵan. B. Áljanovtyń aıtýynsha, qazirgi tańda maldyń ólimi toqtaǵan. Óńirde zararsyzdandyrý jumystary júrgizilip, 1,5 myń bas qusqa vırýska qarsy ekpe salynyp úlgerdi.
