SQO-da maldy vaktsınatsııalaýdy úıretetin sheteldik sertıfıkattaý ortalyǵy ashylmaq
Sertıfıkattaý ortalyǵy Petropavldaǵy M.Qozybaev atyndaǵy Soltústik Qazaqstan ýnıversıtetiniń negizinde ashylady. Bul alǵash ret joǵary oqý orny bazasynda ashylatyn ortalyq bolmaq. Qazaqstanǵa mal men qusqa arnalǵan vaktsına jetkizýmen aınalysatyn Frantsýz kompanııasy muryndyq bolyp otyr.
«Biz mal men qusqa arnalǵan dári-dármekter men vaktsınalardy zertteýge, ázirleýge, óndirýge jáne satýǵa mamandandyrylǵanbyz. Qazaqstanda kásipkerlikti damytýǵa nıettimiz. Al, Qozybaev ýnıversıtetimen jobamyz dál bizdiń tehnologııalardy engizýmen baılanysty. AQSh, Reseı, Túrkııa, Eýropada - álemniń túkpir-túkpirinde bizdiń ókilderimiz bar. Ortalyq barlyq qajetti qural-jabdyqtarmen jabdyqtalady. Komponentterdiń árqaısysy úshin biz halyqaralyq mamandardy trenıngke tartatyn bolamyz», - deıdi frantsýzdyq veterınarlyq farmatsevtıkalyq kompanııa ókili Ferhat Bıltekın.
Aldymen agrotehnologııalyq fakýltettiń oqytýshylaryn jattyqtyrýshy retinde daıyndaý josparlanǵan. Keıin olar aımaqtaǵy stýdentter men fermerlerge bilim berý qyzmetin kórsete alady. Osy maqsatta ýnıversıtette aýyl sharýashylyǵy janýarlaryn vaktsınatsııalaýdy úıretý úshin sertıfıkattaý ortalyǵy ashylady. Stýdentter men oqytýshylar úshin sertıfıkattar tegin berilmek.
«Bizdiń ýnıversıtet túlekterdiń eńbek naryǵynda suranysqa ıe maman bolýy úshin qajetti qarajat bóledi. Dıplomnan basqa, olar jumys berýshiler usynǵan halyqaralyq tanylǵan kompanııadan arnaıy sertıfıkat alady. Jergilikti stýdentter, bolashaq zootehnıkter, janýarlardy vaktsınatsııalaýdyń frantsýz tehnologııalaryn meńgere alady. Demek, Soltústik Qazaqstan oblysyna osy sala jańa serpilis beredi», - deıdi ýnıversıtettiń rektory Erlan Shulanov.
Osy aýqymdy jobany júzege asyrý maqsatynda Qozybaev ýnıversıteti men seriktes kompanııalar arasynda úshjaqty yntymaqtastyq týraly memorandýmǵa qol qoıyldy.
Agrotehnologııalyq fakýltettiń bilim berý baǵdarlamalary respýblıkadaǵy 10 úzdiktiń qataryna kiredi. Qazir munda 750 stýdent bili alsa, onyń 90 % -dan astamy grantta oqıdy, bul stýdentterdiń joǵary bilimi men yntasynyń kórsetkishi.
