SQO-da mal urlyǵy 54 % kemidi
SQO polıtsııa departamenti baspasóz qyzmetiniń málimetinshe, krımınaldyq polıtsııa qyzmetkerleri mal urlyǵynyń aldyn alý boıynsha jumystardy kúsheıtken. Tártip saqshylary sondaı-aq maldaryn baǵýsyz qoıa beretin aýyl turǵyndaryn da nazarǵa alǵan.
«Erkin jaıylymda júrgen maldar uryǵa ońaı olja. Endi zań boıynsha mal ıeleri túlikti óz kúshimen baǵýy qajet nemese baqtashylarmen shart jasaýy kerek. Bul asa mańyzdy, óıtkeni qańǵyrǵan maldar jolǵa shyǵyp ketip, jol-kólik oqıǵalaryna sebep bolyp jatady», - deıdi SQO PD Krımınaldyq polıtsııa basqarmasy bastyǵynyń orynbasary Marat Jumalıev.
Bıyl oblysta 5 mal urlyǵy tirkelip, onyń barlyǵy ashyldy.
«Aýyldyq okrýgterde aýmaqtyq bólinister turaqty túsindirý jumystaryn júrgizip turady. Tártip saqshylary sharýa-fermerlik qojalyqtardyń ıelerine mal basyn saqtaý, janýarlarǵa tańba men bırka salý, qoralarda kúzetti kúsheıtý qajettigin de únemi eskertedi. Nátıjesinde ótken jyldyń qorytyndysy boıynsha mal urlyǵy 54 %-ǵa tómendegen», - deıdi Marat Jumalıev.
Qazir oblys aýdandarynda 231 arnaıy qasha bar, oǵan ıesi anyqtalǵanǵa deıin qaraýsyz júrgen janýarlardy qamaıdy. Úsh aıda bul oryndarǵa baǵýsyz júrgen 394 mal ornalastyrylǵan. Olardyń ıeleri - 133 turǵyn sıyr-jylqysyn bos jibergeni úshin ákimshilik jaýapqa tartyldy.
Tártip saqshylarynyń aıtýynsha, SQO aýmaǵynda 107 mal soıatyn jáne et óńdeıtin pýnkt bar. Urlanǵan maldyń etin ótkizýge jol bermeý úshin polıtseıler múddeli vedomstvolardyń ókilderimen birlesip et ónimderin qaıta óńdeý jáne satý oryndaryna júıeli túrde reıdtik is-sharalar ótkizedi. Patrýldik polıtseıler turaqty túrde mal men et ónimin tasymaldaıtyn kólikti tekseredi. Nátıjesinde bıyl veterınarııa salasyndaǵy zańnamany buzǵany úshin 37 ákimshilik hattama toltyryldy.