SQO-da mal sharýashylyǵymen aınalysý trendke aınaldy
Soltústik Qazaqstan oblysynda óz kásibin ashqandar sany jyldan jylǵa artyp keledi. «Atameken» kásipkerler palatasynyń «Bastaý» jobasy aıasynda 2017 jyly 937 adam kásipkerliktiń negizderimen tanysyp, keıin olardyń 160-y óz isin ashsa, byltyr tegin kýrsty eki ese kóp adam támamdaǵan. 2060 soltústikqazaqstandyq kásip ashýdyń qyr-syryn bilip, solardyń 521-i alǵan bilimderin iske asyrdy.
«Soltústik Qazaqstan oblysy - agrarly óńir. Sol sebepti bolar bizden dáris alǵandardyń basym bóligi mal sharýashylyǵymen aınalysady. Sonyń ishinde iri qara ósirýmen. Óıtkeni, bul salaǵa memleket tarapynan qoldaý joǵary, túrli demeýqarjylar bar. Ári aýyldyq jerde budan yńǵaıly jumys joq», - deıdi «Atameken» UKP SQOF bólim basshysy Aleksandr Berdnıchenko.
Byltyr «Bastaý» boıynsha óz kásibin ashqandardyń 54 % aýyl sharýashylyǵyn tańdaǵan. 45 % halyqqa qyzmet kórsetý salasynda eńbek etýde.
«Soltústikqazaqstandyqtar arasyndaǵy taǵy bir bıznes-trend - sulýlyq salondaryn ashý. Onymen halyqqa qyzmet kórsetý salasyn tańdaǵandardyń úshten bir bóligi aınalysyp jatyr. Árıne saýda-sattyqty aıtpaýǵa bolmaıdy. Jol boıynda qyzmet kórsetýdi tańdap, dámhana, ashana ashqandar bar. Sondaı-aq, byltyr 6 adam kıiz úılerdi satyp alyp, jalǵa berýmen aınalysa bastady. Aıtýlarynsha suranys joǵary, toı ótkizetinder alady eken», - deıdi Aleksandr Berdnıchenko.
Byltyr oblysta 26,3 myń adam «Nátıjeli jumyspen qamtý jáne jappaı kásipkerlikti damytý» memlekettik baǵdarlamasyna qatysty. Jalpy, 29,7 myń adam jumyspen qamtylyp, 12,2 myń turaqty jumys orny ashylǵan.
