SQO-da mádenı is-sharalarǵa satylǵan bıletterdiń aqshasy qaıtarylyp jatyr
PETROPAVL. QazAqparat – Soltústik Qazaqstan oblysynda barlyq mádenı is-sharalar toqtatylyp, olarǵa satylǵan bıletterdiń aqshasy jurtqa qaıtaryla bastady, dep habarlaıdy QazAqparat tilshisi.
SQO mádenıet, arhıvter jáne qujattama basqarmasynyń málimetinshe, teatrlar men kontserttik uıymdar halyqty jınap, óz baǵdarlamalaryn usynbaǵanymen shtattyq tártipte jumystaryn jalǵastyra beredi. Oblystyń mýzeıleri men kitaphanalarynda ótýi tıis kórmeler, dóńgelek ústelder men túrli kezdesýler keıinge qaldyryldy. Biraq bul nysandar ádettegideı jumysyn isteıdi, ıaǵnı óńir turǵyndaryna esik ashyq.
«Barlyq kórermenderge aldyn ala satyp alǵan bıletteriniń aqshasy qaıtarylady. Eger olar elektrondy kassa arqyly alǵan bolsa, jumsaǵan qarajat esepshottaryna túsedi nemese kassadan kelip qolma-qol alýǵa bolady. Al kassadan bılet alǵandar óz aqshalaryn kassadan kelip qaıtarady», - dedi basqarma mamandary.
Bıletterdi qaıtarý boıynsha jáne mádenıet salasyna qatysty basqa da týyndaǵan suraqtary bolsa turǵyndar vedomstvo arnaıy qurǵan Call-ortalyqqa 8 (7152) 46-43-92 nómirimen nemese + 7 747-726-29-00 Whats App jelisine habarlasa alady.
