SQO-da lıtsenzııasy joq pırotehnıka tárkilenedi
PETROPAVL. QazAqparat - Soltústik Qazaqstan oblysynyń tártip saqshylary lıtsenzııasy joq pırotehnıkalyq buıymdardy anyqtaý boıynsha reıd sharalaryn júrgizýde, dep habarlaıdy QazAqparat SKO ІІD-niń baspasóz qyzmeti.
Petropavl qalasynda «Muhıt» saýda úıiniń mańynda pırotehnıkalyq buıymdardy satyp jatqan oryn ıesiniń lıtsenzııasy joq bolyp shyqty. Sol sátte oǵan ákimshilik hattama toltyrylyp, lıtsenzııasy joq taýar joıý úshin tárkilendi. Al 31 jastaǵy satýshynyń ózi óz balasyna pırotehnıkany bermeıtinin aıtady. Óıtkeni ol óte qaýipti.
«Petropavl qalasynda ishki ister basqarmasynyń ákimshilik jáne jergilikti polıtsııa qyzmeti men arnaıy maqsattaǵy jasaqtyń (SOBR) kómegimen 10 reıd júrgizip, onyń barysynda quny 2 mln teńge bolatyn pırotehnıkalyq buıymdardy tárkiledi. QR QK-niń 196 baby negizinde 6 ákimshilik hattama toltyryldy. Onyń negizinde 25 AEK kóleminde aıyppul salynady»,-dep habarlady SQO ІІD-niń baspasóz qyzmeti.
Kún saıyn reıdke 140-tan astam polıtsııa qyzmetkeri shyǵady. Osy kezge deıin 117 reıd sharasy uıymdastyrylǵan. Pırotehnıkalyq buıymdardy saýdalaýdyń barlyǵy 23 faktisi anyqtaldy.
