SQO-da laýazymdy tulǵalar 4,3 mlrd teńge qarjyny negizsiz jumsamaq bolǵan

Soltústik Qazaqstan oblysynyń prokýrorlary bıýdjettik qarajatty jumsaý salasynda taldaý júrgizý barysynda memlekettik satyp alý týraly zańnamany júıeli buzýdy anyqtady, dep habarlaıdy Kazinform. 

Qalalyq qurylys bóliminiń laýazymdy tulǵalary «Memlekettik satyp alý jáne sáýlet, qala qurylysy salasy týraly» QR Zańdarynyń talaptaryn buza otyryp, somasy 2,5 mlrd teńgege kóp páterli turǵyn úıdiń qurylysy boıynsha memlekettik satyp alýlardy jer ýchaskesine quqyqty anyqtaıtyn qujattarsyz júrgizgen.

Basqa jaǵdaıda, oblys ákimdiginiń laýazymdy tulǵalary QR Bıýdjettik kodeksiniń talaptaryna qaramastan eshqandaı negizsiz ǵımarat satyp alý úshin 1,1 mlrd. teńge kóleminde bıýdjet qarajatyn bólgen.

«Memlekettik satyp alýlar týraly» Qazaqstan Respýblıkasynyń zańynyń talaptaryn buza otyra, osy bıýdjet qarajatyna áleýetti jetkizýshiler úshin negizsiz shekteýlermen ashyq konkýrs arqyly satyp alýdy júrgizgen.

Qadaǵalaý organynyń aktileri boıynsha joǵaryda atalǵan satyp alýlar buzyldy, jergilikti atqarýshy organdardyń kináli laýazymdy tulǵalary ákimshilik jáne tártiptik jaýapkershilikke tartyldy.

Atalǵan salada jyl basynan beri qadaǵalaý organynyń aktileri boıynsha jergilikti atqarýshy organdardyń 59 laýazymdy tulǵasy ártúrli jaýapkershilikke tartyldy, 19 memlekettik satyp alý buzyldy, aqyrynda somasy 4,3 mlrd. teńge bıýdjet somasyn jumsaýdyń aldy alyndy.

Bıýdjettik qarajatty jumsaý suraǵy qadaǵalaý organynyń baqylaýynda.