SQO-da lamınattalǵan fanera men shpon zaýyttary ashylady
PETROPAVL. QazAqparat – Soltústik Qazaqstan oblysynda júzege asyrylatyn jáne perspektıvalyq ınvestıtsııalyq jobalar týraly aıtyldy, dep habarlaıdy «QazAqparat» HAA tilshisi.
Indýstrıaldyq-ınnovatsııalyq damý basqarmasynyń basshysy Arman Orazǵulov túrik áriptesterimen birlesip «Severnyı Fanernyı Kombınat» JShS-nyń lamınattalǵan faneralar daıyndaý boıynsha zaýyttyń jobasyn júzege asyrady.
«Qoımalar úshin 1 ga jer telimi qajet. Qańtarda jer aktisi shyǵady. Іshinde jumys bastalyp ta ketti. 6 myń sharshy metr aýmaqty alyp jatqan ǵımaratqa qaıta jóndeý jumystary júrgizilip jatyr. Bul – burynǵy qubyr zaýytynyń ǵımaraty», - dedi A.Orazǵulov.
Aımaqta ashýdy josparlap otyrǵan taǵy bir jańa zaýyt - aǵash óńdeý zaýyty. «Trast Petroleým» kompanııasy shpon shyǵarýmen aınalysady.
«Іske qosý-retteý jumystary jáne alǵashqy ónimdi shyǵarý 2020 jyldyń qańtaryna josparlanǵan. Aqpan aıynda olar Eýropa men Qytaıǵa jetkizý úshin ónimderdi sertıfıkattaýdy bastaıdy. Investordyń odan ári aǵash óńdeý jáne arnaıy ekonomıkalyq aımaqqa kirý boıynsha josparlary bar», - dep atap ótti A.Orazǵulov.
Onyń aıtýynsha, basqarma 226 mlrd. teńgeden astam somaǵa otandyq jáne sheteldik kapıtaldy tarta otyryp 34 ınvestıtsııalyq jobamen aınalysady. Olardy júzege asyrý 3 myń jumys ornyn qurýǵa múmkindik beredi.
Illıýstratsııalyq foto: www.newsler.ru
