SQO-da qyzylshaǵa 208 adam shaldyqqan, olardyń jartysy - balalar
PETROPAVL. QazAqparat - Soltústik Qazaqstan oblysynda qyzylshaǵa qarsy 53 myń turǵynǵa qosymsha ekpe jasalady, dep habarlaıdy QazAqparat tilshisi.
Óńirde qyzylshaǵa qarsy qosymsha ekpe jumystary bastalyp ketti. Birinshi kezekte vaktsınatsııadan bir jasqa tolmaǵan sábıler ótpek.
«21 naýryz kúni oblys qoımasyna qyzylshaǵa qarsy 10 myń dana vaktsına tústi. Ol 1 sáýirde medıtsınalyq uıymdarǵa jetkizilse, búginnen bastap 9-10 aılyq sábılerge ekpe jasala bastady», - dedi SQO Qoǵamdyq densaýlyq saqtaý departamentiniń bastyǵy Serikbaı Qasmaqasov.
Oblysta epıdemııaǵa qarsy barlyq qajetti is-sharalar jasalýda. Shtab qurylyp, medıtsına qyzmetkerleri, mektepter men basqa da tıisti mekeme ókilderi qatysqan semınarlar ótti. Emhanalar men aýmaqtyq basqarmalardyń jumysy demalys kúnderi de uıymdastyryldy. Turǵyndar arasynda túsindirý jumystary júrgizilip, 88000808103 koll-ortalyǵy arqyly habarlasqandarǵa ınfektsıonıst-dáriger men epıdemıolog aqyl-keńes beredi.
Ótken aptada óńirde qyzylshany juqtyrǵandardyń sany taǵy 12-ge artty. Onyń tórteýi - eresek, segizi 14 jasqa deıingi balalalar bolsa, qalǵany jasqa tolmaǵan sábıler. Jalpy qyzylshamen aýyrǵandardyń sany 208-ge jetti, onyń jartysy - balalar.
