SQO-da qyzylsha aýrýyna shaldyǵý kúdigine ilingen 52 oqıǵa tirkeldi
PETROPAVL. QazAqparat - Soltústik Qazaqstan oblysynda jyl basynan beri qyzylsha dertine shaldyǵý kúdigine ilingen 52 jaǵdaı tirkeldi, dep habarlaıdy QazAqparat tilshisi.
Qoǵamdyq densaýlyq saqtaý basqarmasynan málim etkendeı, aýrýǵa shaldyǵýdyń basym bóligi Petropavl qalasynda tirkelgen - 43, sondaı-aq Ǵ.Músirepov atyndaǵy aýdan, Jambyl aýdany jáne Shal aýdanynda - bir-birden, Qyzyljar aýdanynda tórt jaǵdaı jáne Ýálıhanov aýdanynda úsh oqıǵa tirkeldi.
11 oqıǵa boıynsha «qyzylsha» dıagnozy rastalǵan joq, al 15 naýqasta aýrýdyń dıagnostıkasy jalǵasyp jatyr. 28 adam emdelip, aýrýhanadan shyǵaryldy. Statsıonarda 9 adam jatyr, taǵy 14-i ambýlatorlyq em qabyldaýda. «Qyzylsha» aýrýynyń zerthanalyq jolmen rastalǵan 26 oqıǵasy tirkelgen. Sonyń ishinde bir jasqa deıingi 9 bala, 1-14 jas aralyǵyndaǵy 8 bala bar. Dertke shaldyqqandar arasynda 40 jastan asqan eresek soltústikqazaqstandyqtar da bar.
Arnaıy shtab jumys istep jatyr, medıtsınalyq qyzmetkerlermen semınarlar ótkizildi, emhanalar men aýmaqtyq basqarmalardyń demalys kúnderi jumysy uıymdastyryldy. 8 800 08 08 103 nómiri boıynsha koll-ortalyq qyzmet etýde, keńes suraǵandarǵa ınfektsıonıst dárigerler men epıdemıologtar jaýap berip jatyr. Barlyq medıtsınalyq uıymdarǵa naýqastar men olarmen baılanysta bolǵan adamdardan materıal alý jáne jetkizý ádisteri boıynsha keńester daıyndalyp, jiberilgen. Medıtsınalyq qyzmetkerler, mektep jáne ınternat mektepteriniń oqýshylary, balabaqsha tárbıelenýshileri jáne 30 jasqa deıingi tulǵalardyń egilýin tekserý jumystary júrgizilýde.
Avtor: Olesıa Jýkoven
