SQO-da qyzamyqpen aýyrǵandar sany 14 ese artty
Soltústik Qazaqstan oblysy sanıtarııalyq-epıdemıologııalyq baqylaý departamentiniń málimetinshe, ótken jyldyń osy merzimimen salystyrǵanda jyl basynan beri 24 ınfektsııalyq jáne parazıttik aýrýlar boıynsha ósim bar. Sonyń ishinde qyzamyqpen aýyrý kúrt artyp, 14 ese kóp tirkelgen. Al, jelsheshekpen aýyrý 3 ese, rıkketsıozdy juqtyrý 2,2 ese, týberkýlezben aýyrý 27,6 %, enterobıozben 14,6 % artqan. Budan basqa tumaýmen aýyrý 27 adamǵa artsa, jiti vırýstyq sary aýrýmen aýyrý byltyrǵymen salystyrǵanda 9 jaǵdaıǵa kóp.
«Jyldyń 8 aıynda ınfektsııalyq jáne parazıttik 54 aýrý boıynsha bir de bir jaǵdaı tirkelmedi. Al 21 aýrý boıynsha aýyrǵandar sany kemigen. Máselen, pedıkýlezdi juqtyrý 47,7 %, jiti vırýstyq respıratorlyq ınfektsııalarmen aýyrý 24,3 %, koronavırýsty juqtyrý 18 %, ishek ınfektsııalarymen aýyrý 10,5 %, kene vırýstyq entsefalıti 5 jaǵdaıǵa jáne lıamblıozben aýyrý 3 jaǵdaıǵa kemigen», - deıdi SQO sanıtarııalyq-epıdemıologııalyq baqylaý departamentiniń basshysy Áset Jumataev.
Koronavırýs ınfektsııasy boıynsha jaǵdaı óńirde turaqty. Shilde-tamyz aıyndaǵy jaǵdaımen salystyrǵanda vırýsty juqtyrý birneshe ese azaıǵan. Máselen, sońǵy eki aptada SQO-da 139 adam KVI juqtyrsa, bul onyń aldyndaǵy eki aptamen salystyrǵanda 2,3 esege tómen.