SQO-da qyz balany aman alyp qalǵan tártip saqshysy marapattaldy
PETROPAVL. QazAqparat - Soltústik Qazaqstan oblysynyń ishki ister departamentinde QR Táýelsizdiginiń 25 jyldyǵyna arnalǵan saltanatty jıyn ótti, dep habarlaıdy «QazAqparat» HAA-niń tilshisi SQO ІІD-niń baspasóz qyzmetine silteme jasap.
Sharada jedel qyzmet barysynda qol jetkizgen jetistikteri úshin 100-den astam polıtsııa qyzmetkeri marapattaldy. Marapatqa sonymen qatar quqyq tártibin qamtamasyz etýge úlesin qosqan birqatar qoǵam ókilderi de laıyqty dep tabyldy.
Bul rette quqyq qorǵaý organdarynda qyzmet etip júrgen Táýelsizdik qurdastaryna barynsha kóńil bólindi. «Búgingi tańda oblystyń ishki ister organdarynda 80 Táýelsizdikpen qurdas azamat qyzmet etetini qýantady. Elimizdiń odan ári damýy bizdiń jumysymyzdyń tıimdiligi men aldyǵa qoıylǵan mindetterdi sheshe alýymyzǵa baılanysty»,-dep atap ótti SQO ІІD-niń bastyǵy Berik Bılıalov.
Marapattalǵandardyń arasynda Qazaqstan Táýelsizdiginiń qurdasy Petropavl qalasy ІІB-nyń JJP-nyń joldaǵy sholǵynshylar batalonynyń qyzmetkeri, polıtsııa serjanty ıÝlıı Danılchenko da bar. Oǵan «Erligi úshin» medali tabys etildi.
Bıylǵy jyldyń mamyr aıynda polıtsııa qyzmetkeri «Esil» ózeniniń jaǵasyndaǵy 24 metrlik bıiktiktegi jardan qulap ketken 24 jasar qyzdy aman alyp qaldy. Saltanatty rásimde birqatar qyzmetkerlerdiń úzdik qyzmeti úshin áskerı shenderi kóterildi. Sondaı-aq 30 polıtsııa qyzmetkeri «QR Táýelsizdigine 25 jyl» merekelik medalimen jáne birqatar azamattar alǵys hattarmen marapattaldy.
