SQO-da «Qys 2019» respýblıkalyq komandalyq-shtabtyq oqý-jattyǵýy ótip jatyr
PETROPAVL. QazAqparat – Soltústik Qazaqstan oblysynda Tótenshe jaǵdaılar departamentiniń qys mezgiline ázirligin tekserýge arnalǵan «Qys 2019» respýblıkalyq komandalyq-shtabtyq oqý-jattyǵýlary bastaldy, dep habarlaıdy QazAqparat tilshisi.
«Qys 2019» respýblıkalyq komandalyq-shtabtyq oqý-jattyǵýlary eki kúnge shaqtalǵan. Іs-shara barysynda arnaıy tehnıka ǵana tekserilip qoımaı, departamenttiń jeke quramynyń tótenshe jaǵdaıda áreket etýge daıyndyǵy, árbir qyzmetkerdiń olardy joıý kezinde óz mindetterin bilýi tekserildi.
SQO Tótenshe jaǵdaılar departamenti baspasóz qyzmetiniń málimetinshe, Petropavldaǵy «Dostyq» alańynda oblystyq shuǵyl áreket etý jasaǵynyń sapqa turýy jıyny ótti. Aldyn ala belgilengen ýaqytta oblys ortalyǵynyń jıyrmadan astam uıymy men kásiporyndarynyń bazasynda qurylǵan joǵary ázirliktegi bólimsheleri, arnaıy tehnıka jınalý ornynda sap túzedi. Osy is-sharany ótkizý barysynda bólimshelerdiń jedel jetýi tekserildi, jaýyngerlik qabileti, jeke quramnyń óz mindetterin bilýi baǵalandy.
Avarııalar, apattar men ózge de tótenshe jaǵdaılardyń saldarynan zardap shekkenderge qutqarý jumystarynyń bastapqy kezeńinde ýaqytynda kómek kórsetýge arnalǵan tehnıka jáne jabdyqtardyń bar bolýy men jaramdyǵyna erekshe kóńil aýdaryldy. Oblys ákiminiń orynbasary Anton Fedıaev TJD basshylyq quramymen, Petropavl qalasy ákimdiginiń jáne oblystyq TJ qyzmetteriniń ókilderimen birge materıaldyq-tehnıkalyq qamtamasyz etý, jasaqtardyń qatardaǵy jaýyngerleriniń daıyndyǵy men jabdyqtalýyna basa nazar aýdardy.
Mamandardyń aıtýynsha, byltyr qysta tótenshe jaǵdaılar departamentine oblys turǵyndarynan qar qursaýynda qalǵandyǵy jóninde 34 habarlama túsken. Bıyl osyndaı jaǵdaılardyń aldyn-alý maqsatynda 280 jylytý orny daıyndaldy.
Sondaı-aq, bıyl departament 9 jańa tehnıkamen tolyqty. Odan bólek qutqarýshylardyń kıimderi men túrli qajetti jabdyqtary jańartyldy. Osy maqsatqa bıýdjetten 640 mln teńge jumsaldy. Bul oblysta bolatyn apattyq jaǵdaılardyń aldyn alý men olardy zalalsyzdandyrý sharalaryn kúsheıtýge múmkindik bermek.
