SQO-da qylmystyq toptyń áreketinen kelgen shyǵyn 2 mlrd teńgeni qurady
PETROPAVL. QazAqparat - Soltústik Qazaqstan oblystyq prokýratýrasy eki qylmystyq uıymdy anyqtady, dep habarlaıdy QazAqparat tilshisi.
Qadaǵalaýshy organnyń baspasóz qyzmetiniń aqparatyna sáıkes, júrgizilgen taldaýlar men tekserister kezinde salyq tóleýden jaltarý úshin qoldanylǵan qylmystyq shemalar anyqtaldy.
Arnaıy júrgizilgen jedel-izdestirý sharalarynyń nátıjesinde jalǵan shot-faktýralardyń kóshirmesin jasaý boıynsha zańsyz qyzmet kórsetken eki qylmystyq top áshkerelendi.
«Olardyń biri18 kásiporyn jumysymen aınalasyp kelgen bolsa, ekinshisi ekstremısterdi qarjylandyrdy degen kúdikke ilikken. Eki toptyń zańsyz qyzmetiniń saldarynan memleketke 2 mıllıard teńgeden astam somada zalal keltirilgen», - delingen baspasóz qyzmetiniń habarlamasynda.
Qylmystyq toptardyń joly kesildi, eki tulǵa ustalyp, sotqa deıingi tergep-tekserý bastaldy.
